अठार वर्ष राष्ट्रिय टिमबाट खेलेका उनले सोह्र वर्ष नेपालको नेतृत्व गरे । अघिल्लो वर्ष नै राष्ट्रिय टिमका कप्तान चुनिए पनि उनले काठमाडौंमा सन् १९९९ मा भएको आठौं दक्षिण एसियाली खेलकुद (साग) मा पहिलोपल्ट कप्तानी गरेका थिए । सन् २०११ मा बंगलादेशमा भएको ११ सागसम्म नेपाली टिमको नेतृत्व गरेका थिए । उनलाई यसपल्टदेखि कैलाशदत्त भट्टले 'रिप्लेस' गरे ।
प्रहरी निरीक्षक भरतले खेलाडी जीवनबाट टाढिए पनि खेल क्षेत्रमै लागिरहने बताए । पच्चीस वर्ष घरेलु कोर्टमा राज गरेका उनले भने,'जीवनको अमूल्य समय यसैमा दिइयो । यसलाई कहाँ छाड्न सकिन्छ र ।'
